Abu Ali

Yaqolon Al Hayat Ahla Download Mp3

  • 171 Listen
00:00
Share ›

Song ( Nasheed ) lyrics

يقولون الحياة احلى تبصر شوف يارجال=مراكب فاخرة وقصور شيدنا مبانيها
وانا اقول الحياة اللي تواليها فنا ياخال=سوى به ذقت علقمها أو إني ذقت حاليها
تفكر في العصور وناسها سادو سهل وجبال=توارو في الثرى ما عاد يبقى كود طاريها
صحيح ان كل وقتٍ له مقام ودولةٍ ورجال=ولا رديت للمـاضـي وقـومٍ زل مـاضيهـا
يبين الفرق ياهل القرق وحالٍ يشتكي من حال=حشـى للـه ما ياتي قـديـمٍ مثـل تالـيهـا
ترى الدنيا زخارفها تزول وشجرةٍ وظلال=وحنـا كالمسـافـر عـقـب فـيتها يخليهـا
لك الله ما تساوي يافطين البال ضيقة بال=مادام اللي خلقها من عدم ياخال يفنيها
لو انها عند رب الكون تسوى وزنة الفنجال=فلا اسقى كافراً منها ولا حصل حلاويها
تفكر حيل يامن تاه في غيه وجمع المال=ترى لابد من يسعى يسير بهون ماشيها
توخى الحرص قدم خير لك من صالح الاعمال=عسى تلقاك في صفحاتك اللي انت قاريها
كلامي واقعٍ مالموس قبلي قاله العقال=فلا دامـت سعـادتهـا ويامكـثر بلاويها
لاشك ارجي بديع الخلق لا خيب رجى من سال=يقـدينا طريق الـخير ويجـمل تواليهـا
واقول ان الحياة اللي سعادتها شهد وزلال=رضى المعبود والجنة عسانا نلتقي فيها